26 de setembro de 2016

DÍA DAS LINGUAS, SEGUNDA PARTE

No día de hoxe recordamos todas as palabras que sabemos en italiano dende a semana pasada e aprendemos a saudar en varios idiomas. Para elo fixemos un xogo moi divertido no que tiñamos que intentar acordarnos de todos!Ademáis, como algúns dos nosos compañeiros saben falar máis linguas que o galego e o castelán, aproveitamos para que nos ensinasen a saudar en catalán, rumano e ata en árabe! Este último idioma costounos un pouco máis xa que non ten o mesmo alfabeto.Tiñamos moita curiosidade así que Wissal explicounos que en árabe escríbese de dereita a esquerda. Tamén nos ensinou no encerado varias letras e ata escribiu o seu nome. Encantounos! É que o saber non ocupa lugar… Moitas grazas Hiago, Cristiano, Rayan, Wissal e ás vosas familias por axudarnos! Ciao ciao;)






DÍA EUROPEO DAS LINGUAS

Hoxe tamén celebramos o día europeo das linguas. A semana pasada falamos sobre a importancia de coñecer moitos idiomas para poder comunicarnos con persoas de todo o mundo. Ademais, repasamos cantas linguas se falan en España e fixemos unha lista de cales máis coñecemos doutros países. Chegamos a nomear ata catorce distintas! Xunto co resto do alumnado de Educación Infantil e Primaria, fixemos un vídeo que podedes visualizar aquí, onde cada curso vos desexa un feliz día nun idioma europeo. 
A nós tocounos o italiano, polo que despois de facelo enchemos o encerado con palabras que sabiamos e queriamos aprender nesta lingua. 
Igual que os españois, os italianos xesticulan moito ó falar, así que tamén practicamos algún xesto típico dos habitantes de Italia. Canto nos rimos!






CELEBRAMOS O ANIVERSARIO DE ADRIÁN!

Hoxe o noso compi Adri cumpre 7 anos! E como non podía ser menos desexámoslle un feliz aniversario cantándolle en galego, en español e ata en inglés! Moitas grazas por compartir o teu día con nós e por  traernos chuchessss! Feliz cumple, parabéns, happy birthday! A seguir así campeón!!